თბილისის სახელმწიფო კონსერვატორიის ტრადიციული მრავალხმიანობის კვლევის საერთაშორისო ცენტრი, ქართული ხალხური სიმღერის საერთაშორისო ცენტრი და საქართველოს ფოლკლორის სახელმწიფო ცენტრი გიწვევთ ტრადიციული მრავალხმიანობის X საიუბილეო საერთაშორისო სიმპოზიუმზე.

• 40 მეცნიერი 19 ქვეყნიდან
• კონცერტები და ფილმები მრავალხმიანობაზე

წლევანდელი სიმპოზიუმი განსაკუთრებულ ვითარებაში - კოვიდ-19-ის პანდემიის პირობებში ტარდება, შესაბამისად, საქართველოს განათლების, მეცნიერების, კულტურისა და სპორტის სამინისტროსთან შეთანხმებით, წელს სიმპოზიუმი გაიმართება მთავრობის მიერ დაწესებული რეგულაციების სრული დაცვით, შერეული ფორმატით. უცხოელი მეცნიერები (აშშ-ს, შვეიცარიას, ავსტრიასა და დიდი ბრიტანეთიდან ჩამოსული 6 მონაწილის გარდა) დისტანციურად მიიღებენ მონაწილეობას.
სიმპოზიუმი ტარდება საქართველოს პრეზიდენტის, სალომე ზურაბიშვილის პატრონატით, საქართველოს განათლების, მეცნიერების, კულტურისა და სპორტის სამინისტროს ფინანსური მხარდაჭერით.