თბილისის საქალაქო სასამართლოს სამოქალაქო საქმეთა კოლეგია (მოსამართლე ქეთევან კუჭავა) განიხილავდა სსიპ თბილისის ვანო სარაჯიშვილის სახელობის სახელმწიფო კონსერვატორიის სარჩელს, მოპასუხეების: შპს „მედიაჰოლდინგი ქრონიკა +“-ის, ჟურნალისტი ირინე გოგოსაშვილისა და ნუგზარ კიკნაძის წინააღმდეგ, პატივის, ღირსებისა და საქმიანი რეპუტაციის შემლახველი ცნობების უარყოფის თაობაზე.

 „სიტყვისა და გამოხატვის თავისუფლების შესახებ“ საქართველოს კანონის მე-6 მუხლის მე-4 პუნქტის თანახმად: ცილისწამების თაობაზე სასამართლო დავა არ შეიძლება ეხებოდეს სახელმწიფო ან ადმინისტრაციული ორგანოს პირადი არაქონებრივი უფლებების დაცვას.

ვინაიდან, სსიპ თბილისის ვანო სარაჯიშვილის სახელობის სახელმწიფო კონსერვატორია არის ადმინისტრაციული ორგანო და დავა არ შეიძლება ეხებოდეს კონსერვატორიის, როგორც ადმინისტრაციული ორგანოს პირადი არაქონებრივი უფლებების დაცვას, ამ საფუძვლით მიმდინარე წლის 26 აპრილს სასამართლოში საქმისწარმოება შეწყდა.
გადაწყვეტილება მიღებისთანავე გასაჯაროვდება.