თბილისის ვანო სარაჯიშვილის სახელობის სახელმწიფო კონსერვატორია
საქართველოს ქალთა საბჭო
თბილისის ვანო სარაჯიშვილის სახელობის სახელმწიფო კონსერვატორიისა და საქართველოს ქალთა საბჭოს ინიციატივით თბილისის ვანო სარაჯიშვილის სახელობის სახელმწიფო კონსერვატორიისა და ილიაუნის სახელმწიფო უნივერსიტეტის სტუდენტებისათვის ცხადდება საკომპოზიტორო კონკურსი ქეთევან წამებულის ხსოვნისადმი მიძღვნილი საუკეთესო მუსიკალური ნაწარმოების გამოსავლენად.
გამარჯვებულებისათვის ფულადი პრემიების გაცემას უზრუნველყოფს საქართველოს ქალთა საბჭო კერძო პირებისა და ფონდების შემოწირულობებიდან.
ორივე კონკურსის მონაწილეებს შეუძლია მონაწილეობა მიიღოს შემდეგ ნომინაციებში:
1. ნაწარმოები შერეული გუნდისათვის თანხლების გარეშე, ნაწარმოების ხანგრძლივობა არაუმეტეს 10 წუთისა
2. ნაწარმოები დუეტი სოლისტი ვოკალისტისა და ფორტეპიანოსათვის არაუმეტეს
7 წუთისა
3. საუკეთესო ელექტრონული კომპოზიცია არაუმეტეს 10 წუთისა
დასაშვებია მონაწილეობის მიღება რამდენიმე ნომინაციაში. ლიტერატურული ტექსტის შერჩევა თავისუფალია. სურვილის შემთხვევაში კონკურსანტს ლიტერატურული ნიმუშებისათვის შეუძლია მიმართოს კონკურსის ორგანიზებისათვის პასუხისმგებელ პირებს: (საქართველოს ქალთა საბჭო 2391985; თბილისის ვანო სარაჯიშვილის სახელობის სახელმწიფო კონსერვატორია 03222987185)
შესაძლებელია ადრე დაწერილი ნაწარმოების წარმოდგენა.
კონკურსანტმა უნდა წარმოადგინოს ნაწარმოების/ნაწარმოებების ამობეჭდილი ვერსია 5 ეგზემპლარად, ასევე დისკი პარტიტურის ელექტრონული ვერსიითა (აწყობილი finale-ს ან Sibelius-ს პროგრამებში) და აუდიო ჩანაწერით (შესრულების კომპიუტერული ან ცოცხალი ვერსია).
კონკურსი ანონიმურია, ამიტომ არც პარტიტურაზე და არც დისკზე არ უნდა ეწეროს ავტორის გვარი, საჭიროა მხოლოდ დევიზი. საკონკურსო მასალას (ამობეჭდილი პარტიტურის 5 ეგზემპლარი, 1 დისკი აუდიო ჩანაწერით) თან უნდა ახლდეს დახურული კონვერტი, ზევიდან დაწერილი დევიზით, შიგნით კი ფურცელი, სადაც მითითებული იქნება, ნაწარმოების დევიზი, ნაწარმოების სათაური, ავტორის ვინაობა და საკონტაქტო კოორდინატები.
საკონკურსო ნაწარმოებების ჩაბარების თარიღია: 3-7 სექტემბერი, ჩაბარების ადგილი: თბილისის ვანო სარაჯიშვილის სახელობის სახელმწიფო კონსერვატორიის კომპოზიციისა და მუსიკოლოგიის ფაკულტეტის დეკანატის ოთახი 229, ტელეფონი 2987185
კონკურსის დახმარების მსურველებს თანხის გადარიცხვა შეუძლიათ შემდეგ ანგარიშზე:
საქართველოს ბანი კოდი BAGAGE22;
GE52BG0000000275912300;
საიდენტიფიკაციო კოდი 203858101 საქართველოს ქალთა საბჭო ,,საკომპოზიტორო კონკურსისათვის“.
ქეთევან წამებულის ხსოვნისადმი მიძღვნილი საკომპოზიტორო კონკურსი
