სსიპ თბილისის ვანო სარაჯიშვილის სახელობის სახელმწიფო კონსერვატორიის აკადემიური საბჭო აცხადებს არჩევნებს რექტორის თანამდებობის დასაკავებლად.

რექტორად აირჩევა აკადემიური უმაღლესი სამუსიკო განათლების მქონე პირი, რომელსაც გააჩნია სპეციალობით მუშაობის 4-წლიანი სტაჟი უმაღლეს საგანმანათლებლო დაწესებულებაში და ფლობს ქართულ ენას,  „უმაღლესი განათლების შესახებ“ საქართველოს კანონით, საქართველოს კულტურისა და ძეგლთა დაცვის მინისტრის 2014 წლის 07 ივლისის №05/90 ბრძანებით დამტკიცებული სსიპ თბილისის ვანო სარაჯიშვილის სახელობის სახელმწიფო კონსერვატორიის წესდებით, რექტორის არჩევის წესითა და აკადემიური საბჭოს 2019 წლის 06 სექტემბრის №01 დადგენილებით განსაზღვრული მოთხოვნების საფუძველზე. 

რექტორის თანამდებობის დასაკავებლად კანდიდატთა რეგისტრაცია (საბუთების მიღება) იწარმოებს 2019 წლის 12 ოქტომბრიდან 17 ოქტომბრის ჩათვლით, 11:00 საათიდან 18:00 საათამდე, მისამართზე: ქ. თბილისი, გრიბოედოვის ქ. №8/10, ოთახი №212

აკადემიური საბჭოს მიერ შემოსული განცხადებების განხილვისა და შერჩეული კანდიდატურის არჩევის დღედ განისაზღვრება  21 ოქტომბერი.
 
კანდიდატმა სარეგისტრაციოდ უნდა წარადგინოს:

ა) აკადემიური უმაღლესი სამუსიკოს განათლების დამადასტურებელი მოწმობის ასლი;
ბ) ცნობა - უმაღლეს სამუსიკო საგანმანათლებლო დაწესებულებაში მუშაობის შესახებ;
გ) კონსერვატორიის განვითარების სამოქმედო გეგმა;
დ) პირადობის დამადასტურებელი მოწმობის ქ/ასლი;
ე) ავტობიოგრაფია (CV)
ვ) 1 (ერთი) ფოტოსურათი (ზომა: 3x4 სმ);
ზ) ცნობა ნასამართლეობის შესახებ;
თ) ცნობა ნარკოლოგიური შემოწმების შესახებ.

ტელ:  (+995 32) 2 93 52 28
ვებ-გვერდი: www.tsc.edu.ge

აკადემიურის საბჭოს 2019 წლის 06 სექტემბრის №01 დადგენილება სსიპ თბილისის ვანო სარაჯიშვილის სახელობის სახელმწიფო კონსერვატორიის რექტორის თანამდებობის დასაკავებლად არჩევნების გამოცხადების, კანდიდატთა რეგისტრაციის დაწყებისა და კანდიდატთა შერჩევის შესახებ განცხადების ტექსტის დამტკიცების თაობაზე.

წესი

დადგენილება

განცხადების ფორმა