თბილისის ვანო სარაჯიშვილის სახელობის სახელმწიფო კონსერვატორია 2016-2017 სასწავლო წლისათვის აცხადებს მიღებას მასწავლებლის მომზადების საგანმანათლებლო პროგრამაზე - მუსიკა:
პროგრამის ხანგრძლივობა და დაშვების წინაპირობა:
• ხანგრძლივობა: 1 წელი (60 კრედიტი);
• მასწავლებლის მომზადების საგანმანათლებლო პროგრამაზე დაიშვება არანაკლებ ბაკალავრის ან მასთან გათანაბრებული აკადემიური ხარისხის მქონე პირი, რომელსაც ჩაბარებული აქვს მასწავლებელთა საგნობრივი გამოცდა მუსიკაში.
სწავლის საფასური:
• თბილისის სახელმწიფო კონსერვატორიაში მასწავლებლის მომზადების საგანმანათლებლო პროგრამაზე სწავლის მსურველებისთვის გამოყოფილია სახელმწიფო გრანტი. გრანტის განაწილება ხდება უსდ-ს მიერ განსაზღვრულ საგნობრივ გამოცდაში მიღებული შეფასების მიხედვით;
• თუ პირი ვერ მოიპოვებს სახელმწიფო დაფინანსებას, სწავლის გადასახადი შეადგენს 2150 ლარს (თანხის გადახდა შესაძლებელია ოთხ ეტაპად);
• მასწავლებლის მომზადების პროგრამის წარმატებით დასრულების შემდეგ გაიცემა შესაბამისი სერტიფიკატი.
რეგისტრაციის და გამოცდის ჩატარების განრიგი:
• 26 სექტემბრიდან 29 სექტემბრის ჩათვლით აპლიკანტების რეგისტრაცია სასწავლო დეპარტამენტში
(12-17 სთ.)
• 30 სექტემბერს გამოცდის განრიგის გამოცხადება;
• გამოცდა - საგამოცდო ბილეთით განსაზღვრული საკითხების მიხედვით მუსიკის გაკვეთილის დაგეგმვა (წერითი) და ჩატარება (პრაქტიკული).
აპლიკანტებმა რეგისტრაციისას უნდა შემოიტანონ შემდეგი საბუთები:
• განცხადება რექტორის სახელზე (ფორმა ივსება ადგილზე);
• საქართველოს მოქალაქის პირადობის დამადასტურებელი მოწმობის დედანი და ასლი;
• 3 ფოტოსურათი (3X4 ზომით);
• ბაკალავრის/მაგისტრის აკადემიური ხარისხის, უმაღლესი აკადემიური სამუსიკო განათლების დამადასტურებელი დიპლომი და დიპლომის დანართი;
• მასწავლებელის საგნობრივი გამოცდის ჩაბარების დამადასტურებელი სერტიფიკატი;
• გამოცდის საფასურის (20 ლარი) გადახდის დამადასტურებელი საბანკო ქვითარი (საბანკო რეკვიზიტები)
დამატებითი ინფორმაცია განთავსდება 25 სექტემბერს.
საკონტაქტო ინფორმაცია:
ტელ.: (+995 32) 298 70 27
ელ-ფოსტა: study@conservatoire.edu.ge
მისამართი: 0108, თბილისი, გრიბოედოვის ქ. № 8-10
მასწავლებლის მომზადების საგანმანათლებლო პროგრამა-მუსიკა
