2018 წელს განათლების, მეცნიერების, კულტურისა და სპორტის სამინისტრომ ფრანკფურტის წიგნის ბაზრობისთვის გამოსცა 44 სხვადასხვა დასახელების ნოტი. დამოუკიდებელი საქართველოს 27 წლიანი ისტორიის მანძილზე ეს არის პირველი მასშტაბური სანოტო გამოცემა. კოლექციაში წარმოდგენილია ქართველი კლასიკოსი და თანამედროვე კომპოზიტორების ოპერები, კამერულ-ინსტრუმენტული მუსიკა, საბავშვო საფორტეპიანო მუსიკა, ძველი ქართული პროფესიული მუსიკა, მუსიკოლოგიური კვლევები.

მუსიკალური ლიტერატურა გამოსცა პოლონურმა სამეცნიერო გამომცემლობამ “PWN”.

თბილისის სახელმწიფო კონსერვატორია დიდ მადლობას უხდის ფრანკფურტის წიგნის ბაზრობის პროექტის კონცეფციის ავტორსა და ხელმძღვანელს ბატონ კონსტანტინე ნაცვლიშვილს გაწეული სამსახურისთვის.