გაცნობებთ, რომ ბიბლიოთეკას დაემატა ორი ახალი სერვისი. ელექტრონული გაცემა და ელექტრონული დაჯავშნა.

ელექტრონული დაჯავშნის ფორმის შევსება შესაძლებელია ქართულ და ინგლისურ ენაზე  (უცხოელი სტუდენტებისთვის)

დაჯავშნისთვის გთხოვთ შეხვიდეთ კონსერვატორიის ვებგვერდზე და ბიბლიოთეკის მენიუში აირჩიოთ თქვენთვის სასურველი ელექტრონული შეკვეთის ფორმა.
მკითხველს შესაძლებლობა აქვს მისთვის სასურველი ერთეული დაჯავშნოს წინასწარ.

ერთეული ინახება მკითხველის მიერ ბიბლიოთეკართან კონსულტაციის შემდეგ არაუმეტეს 3 (სამი) დღის განმავლობაში, შემდეგ კი კვლავ ბრუნდება აქტიურ ფონდში. დაჯავშნილ საბიბლიოთეკო ერთეულზე სხვა მკითხველის მხრიდან მოთხოვნის გაჩენის შემთხვევაში, ჯავშანი უქმდება 2 (ორი) დღის შემდეგ;

წიგნის დაჯავშნისას მკითხველი შეტყობინებას იღებს ელექტრონული ფოსტის საშუალებით;

საბიბლიოთეკო ერთეულის შეკვეთის შემდეგ, ბიბლიოთეკარი აწვდის მკითხველს შემდეგ ინფორმაციას, ხელმისაწვდომია თუ არა მისთვის საინტერესო ერთეული ბიბლიოთეკაში, შეუძლია თუ არა სახლში გატანა და რა ვადით;  თუ ის არ აღმოჩნდა ბიბლიოთეკაში, როგორ ისარგებლოს ბიბლიოთეკათშორისი მომსახურებით ან სხვა რა ალტერნატიული მასალის გამოყენება შეუძლია.