29 - 31 იანვარს კონსერვატორიაში აქტუალური მუსიკის ფესტივალი Close Encounters გაიმართება.

ფესტივალის გახსნაზე ქართველი ავანგარდისტის მიხეილ შუღლიაშვილის კომპაქტდისკის პრეზენტაცია შედგება, წელს კომპოზიტორის 75 წლისთავი აღინიშნება. ფესტივალზე ნატალია ბერიძის ახალი ნაწარმოებების პრემიერა შედგება.

მსმენელი კვლავ შეხვდება კაპელერ-ცუმთორის დუეტს, გაეცნობა სედრიკ შპინდლერისა და ფრედერიკ ანთონი რობინსონის სენსორებით მართულ კომპოზიციებს.
ფესტივალში ასევე მონაწილეობს ანჩისხატის მგალობელთა გუნდი, შვეიცარული მონდრიან ანსამბლი იტალიური რენესანსის მუსიკით, ასევე ქართველი და შვეიცარელი ექსპერიმენტალური დიჯეები.
აქტუალური მუსიკის შვეიცარულ-ქართული ფესტივალი Close Encounters წელს მეხუთედ იმართება. ფესტივალის იდეა შვეიცარიაში მოღვაწე ქართველ პიანისტს თამრიკო კორძაიასა და კომპოზიტორ ფელიქს პროფოსს ეკუთვნით. Close Encounters 2005 წელს დაარსდა.

ფესტივალის ბუკლეტი