30 მაისს პოლონეთის პირველმა ლედიმ აგატა კორნჰაუზერ დუდამ და კონსერვატორიის რექტორმა რეზო კიკნაძემ საზეიმოდ გახსნეს პოლონელი არქიტექტორის ალექსანდრე შიმკევიჩის მემორიალური დაფა სახ. კონსერვატორიის ისტორიულ შენობაზე.

ვ.სარაჯიშვილის სახელობის სახ. კონსერვატორიის შენობა აიგო 1901-1904 წლებში პოლონელი არქიტექტორის ა.შიმკევიჩის პროექტის მიხედვით.

ცერემონიალს ესწრებოდნენ რეზო კიკნაძე, კონსერვატორიის რექტორი, პროფ. მანანა დოიჯაშვილი, კონსერვატორიის რექტორის მოადგილე, პოლონეთის საელჩოს წარმომადგენლები და დელეგაციის სხვა  წევრები. საზეიმო გახსნა დასრულდა კონსერვატორიის სტუდენტთა საზეიმო კონცერტით მცირე დარბაზში.