თბილისის სახელმწიფო კონსერვატორია და გიორგი მთაწმინდელის სახელობის გალობის უნივერსიტეტი 16 მაისს მართავს სტუდენტთა  სამეცნიერო მუსიკოლოგიურ კონფერენციას, რომელიც ტრადიციულად ეძღვნება მანანა ანდრიაძის ხსოვნას.

კონფერენციის თემატიკა მოიცავს მუსიკის ისტორიის, მუსიკის თეორიის, ეთნომუსიკოლოგიის, საეკლესიო მუსიკის და ქართული ტრადიციული მუსიკის შემსრულებლობის საკითხებს.

კონფერენციაზე წარმოდგენილი საუკეთესო მოხსენებები დაიბეჭდება კონსერვატორიის დაარსებიდან 100 და გიორგი მთაწმინდელის სახ. გალობის უნივერსიტეტის დაარსებიდან 10 წლისთავისადმი მიძღვნილ სამეცნიერო კრებულში.  კონფერენციაში მონაწილეობისათვის საჭიროა:

 
ონლაინ რეგისტრაციის გავლა, თეზისების (მაქსიმუმ 200 სიტყვა) , მოკლე ბიოგრაფიის  (მაქსიმუმ 150 სიტყვა)  გამოგზავნა 20 აპრილამდე.

 
გამოგზავნილი თეზისების საფუძველზე მიღებული გადაწყვეტილება, კონფერენციაზე დაშვების/არ დაშვების შესახებ მონაწილეებს ეცნობებათ  7 მაისამდე.
 
მასალები უნდა გამოიგზავნოს შემდეგ მისამართზე: science@conservatoire.edu.ge

დამატებითი ინფორმაციისთვის მოგვმართეთ:
e-mail: science@conservatoire.edu.ge
ტელ.: +995 32 2 987 188
facebook: TSC Research Department